Իրականում. Մեր փոքրիկ քաղաքում լուրերն այնքան արագ են տարածվում, էլ ուր մնաց հայտնիներին վերաբերվողները, հատկապես եթե տվյալ հայտնին էլ երկրպագուների սրատես աչքի առաջ է: Նման խոսակցությունների պատճառ դարձան հիմնականում սոցցանցերը, որոնցում կատարվող փոփոխությունները գրեթե անհնար են թաքցնել հետաքրքրասերներից:Անին իր ֆեյսբուքյան էջի գլխավոր նկարը, որտեղ Մովսեսի հետ էր, փոխարինեց միայնակ լուսանկարով` բազմաթիվ խոսակցությունների տեղիք տալով: Լրատվամիջոցների համար մշտապես բաց դերասանուհին այս անգամ մեզ հետ զրույցում ասաց, որ «որոշ ժամանակով ոչ մի հարցազրույց չի տալիս»: «Թեման կապ չունի, ուղղակի անընդհատ իրար հետևից շատ անդրադարձեր եղան. ոչ մի մեկնաբանություն այժմ չեմ տալիս»,- պնդեց Անին:
Նշենք նաև, որ ավելի քան մեկ ամիս առաջ ամառային հանգստի մասին զրուցել էինք նաև Անիի հետ, ով մեր թղթակցին ասել էր, որ պատրաստվում է հանգստանալ Մովսեսի հետ` Արգենտինայում կամ Իսպանիայում, սակայն այս խոսակցությունների տարածումից հետո հարկ համարեցինք հստակեցնել նաև դա: Դերասանուհին նշեց, որ իր հանգստի ծրագրերը փոխվել են:
Լուրը ճշտելու համար փորձեցինք կապ հաստատել նաև Մովսեսի հետ, սակայն` ապարդյուն: Դերասան-մոդելն այդպես էլ չպատասխանեց ոչ մի հեռախոսազանգի:
