Ինչպես նշված վայրից հայտնում է ֆոտոլրագրող Գագիկ Շամշյանը, այս պահին ժամանում են ճանապարհային ոստիկանության 2-րդ սպայական գումարտակի 6-րդ վաշտի աշխատակիցները, ինչպես նաև՝ Վայոց Ձորի մարզի փրկարար վարչության հրշեջ-փրկարարները և ոստիկանության Եղեգնաձորի բաժնի օպերատիվ խումբը: Ժամանում են նաև Վայոց Ձորի մարզի ճանշինի պատասխանատուները:
Ֆոտոլրագրողը հայտնում է, որ հսկայական սարը փլուզվել է, ինչի հետևանքով նշված հատվածն ամբողջությամբ փակված է: Համապատասխան կառույցների աշխատակիցների գալուց հետո ճանապարհը բացելուն զուգահեռ կատարվելու են նաև որոնողական աշխատանքներ՝ պարզելու համար, թե արդյոք փլուզման տակ կան մարդիկ կամ ավտոմեքենաներ:
