Ամերիկայի Հետաքննությունների դաշնային բյուրոյի աշխատակիցներն ազատել են 16 դեռահասի, որոնց ստիպել են պոռնկությամբ զբաղվել՝ ֆուտբոլի ազգային առաջնության խաղերի նախապատրաստական աշխատանքների ժամանակ:
6 երեխա փրկվել է Նյուարքում, Նյու Ջերսիում, 6-ը՝ Նյու Յորքում, իսկ 4-ը՝ Նյու Հեվնում:
Հետաքննությունների դաշնային բյուրոյի աշխատակիցները փրկել են նաև 50 չափահաս կնոջ, ում ևս ստիպել են պոռնկությամբ զբաղվել:
Ձերբակալվել է 45 կավատ:
Հետաքննությունների դաշնային բյուրոյի հատուկ գործակալ Աերոն Ֆորդն ասել է. «Մենք հետևողականորեն աշխատում ենք՝ անչափահաս զոհերին փրկելու և երեխաներին իրենց շահերի համար շահագործողներին պատասխանատվության ենթարկելու ուղղությամբ»:
Ըստ իրավապահ մարմինների աշխատակիցների՝ ֆուտբոլի ազգային առաջնությունը և սպորտային մյուս մեծ իրադարձությունները շահութաբեր պայմաններ են ապահովում սեռական թրաֆիքինգի համար:
