Դպրոցն ավարտելուն պես ծնողները որոշեցին, որ իրենց դուստրը պետք է բարձրագույն կրթություն ստանա, իսկ քանի որ իրենք մարզերից մեկում էին բնակվում (կոնկրետ մարզը չենք նշում, քանի որ դեպքն իրական է. հեղ), ուստի իրենց դստերն ուղարկեցին Երևան: Լինելով շատ ավանդապաշտ ընտանիքից` Հասմիկի ծնողները թույլ չտվեցին, որպեսզի նա ապրի ընկերությունների հետ առանձին, իսկ քանի որ Երևանում էր բնակվում նաև Հասմիկի ամուսնացած հորաքույրը` նրանք առաջարկեցին, որպեսզի Հասմիկը ապրի իրենց հետ:
Հասմիկի հորաքույրը երեխաներ չուներ, 15 տարվա ամուսիններ էին, սակայն չէին կարողանում երեխաներ ունենալ: Ամուսինները սկսեցին Հասմիկին իրենց հարազատ դստեր պես սիրել և ընդունել: Երկուսն էլ շատ ուշադիր էին աղջկա նկատմամբ և հոգատար, իսկ այդ հոգատարությունը ժամանակի ընթացքում չափից ավել էր դառնում, ինչից նեղվում էր Հասմիկը: Հորաքրոջ ամուսինն ինքն էր Հասմիկին տուն և համալսարան ուղեկցում: Նա էր որոշում, թե աղջիկն ում հետ պետք է շփվի, ինչ պետք է հագնի, ուր պետք է գնա և երբ պետք է տուն վերադառնա, այդ ամենը նրա կողմից ժամանակի ընթացքում հիվանդագին աստիճանի էր հասնում:
Հորաքրոջ ամուսինը 40-անց համակրելի տղամարդ էր: Եվ նրա կնոջ` մի քանի օրվա տանից բացակայելը պատճառ հանդիսացավ, որպեսզի նա և աներձագի դուստրն ավելի մտերմանան… Նրանց մտերմությունն օր օրի ավելի է խորանում: Առանց խղճի խայթ զգալու նրանք միարժամանակ տանից անհետանում և միարժամանակ հայտնվում էին, սակայն դա Հասմիկի հորաքրոջ կողմից ոչ մի կասկածի տեղիք չէր տալիս: Սակայն մի օր Հասմիկը պարզեց, որ հղի է, սակայն դա խայտառակություն էր իր և իր ավանդապաշտ ընտանիքի համար, նա ոչ մեկի հարցերին պատասխան չուներ, ի՞նչ պետք է ասի հորաքրոջը և ծնողներին: Նա միայն մի բանի մասին էր մտածում`ինքնասպանություն, ըստ նրա միայն դա կփրկեր իրեն խայտառակությունից:
Հեռանալով Երևանից` նա գնաց իր հայրենական գյուղ, վերջին անգամ ծնողներին տեսնելու, սակայն ոչ ճշմարտության մասին բարձրաձայնելու: Ինքնասպանությունից մեկ օր առաջ նա ընկերուհիներին ասել էր, որ ինքը շուտով մահանալու է, սակայն ընկերուհիներից ոչ մեկը չգիտեր այն ամենի մասին, ինչ կատարվում էր Հասմիկի հետ, նրա ասած ոչ մի խոսք լուրջ չէին ընդունում:
Առանց որևէ մեկին ինչ-որ բան ասելու, Հասմիկը ուշ երեկոյան հեռացավ տանից… նա նետվել էր կամրջից: Անցորդները տեսել էին, որ ինչ-որ մեկը կամրջից դեպի գետ նետվեց, իսկ թե ով էր` ոչ մեկ այդ մասին չգիտեր, միայն հաջորդ օրը փրկարարները գետից դուրս բերեցին երիտասարդ և գեղեցիկ աղջկա դին: Դատաբժշկական փորձաքննության արդյունքները ցույց տվեցին, որ աղջիկը հղի է եղել…
slaq.am
