“Արմենիա” TV-ի “Հարազատ թշնամի” նոր սերիալում նա մարմնավորում է արդեն գլխավոր հերոսուհիներից Էմմայի կերպարը: BRAVO.am-ի հետ զրույցում Լիկան նշել է, թե սերիալներն իրեն չեն փոխել, պատմել է մասնագիտության, նախասիրությունների, իրեն չսիրողների մասին եւ ոչ միայն:):
Սովորում եմ Երեւանի պետական բժշկական քոլեջում: Զուգահեռ ընդունվեցի Երեւանի Գաբրիել Սունդուկյանի անվան ազգային ակադեմիական թատրոնի ստուդիա, սակայն ժամանակի սղության պատճառով չշարունակեցի ուսումս:

Շատ եմ սիրում բժշկությունը, իսկ դերասանի մասնագիտություն հետագայում ձեռք կբերեմ:

Հեռուստասերիալների բնագավառում “Եռաչափ սեր”-ն իմ առաջին փորձն էր: Այժմ էլ նկարահանվում եմ “Հարազատ թշնամի”-ում: Առաջարկը ստանալուց հետո ծանոթացա կերպարին, որն ինձ շատ դուր եկավ:

Բավական դժվար էր մի կերպարից անցնել մյուսին, բայց հեշտությամբ հարմարվեցի փոփոխությանը:

Էմման, որին մարմնավորում եմ այս սերիալում, նշանադրված է, սակայն արդեն հոգնել է ընտրյալի խանդից ու աննորմալ սիրուց:

Որոշ առումներով ես եւ էմման նման ենք: Խաղաղ մարդ եմ, չեմ սիրում ցույց տալ այն ամենն, ինչ ունեմ, սիրում եւ հարգում եմ ծնողներիս: Բայց, ի տարբերություն Էմմայի, ես երբեք չեմ անի այն, ինչ ստիպում են ծնողները:

Կյանքում որոշումներս կայացնում եմ ինքնուրույն:

Բացի սերիալներում նկարահանվելուց, հանդես եմ եկել նաեւ Մարտին Մկրտչյանի “Այս երգը քոնն է” երգի տեսահոլովակում:

Ուրախ մարդ եմ, սիրում եմ պարել: Ժամանակին հաճախել եմ պարի դասընթացների, սակայն չեմ շարունակել մասնագիտանալ այդ ոլորտում:
Սիրում եւ հաճախ եմ լսում Ջեյմս Բլանտի երգերը:

Ընկերասեր եմ: Հարաբերություններում կարեւորում եմ անկեղծությունն ու նվիրվածությունը:

Կարծում եմ` սերիալներն ինձ չեմ փոխվել:
Ազատ ժամանակ գրեթե չեմ ունենում: Հնարավորության դեպքում սիրում եմ օրս անցկացնել ընկերներիս եւ այն մարդկանց շրջապատում, որոնց հետ հաճելի եւ ուրախ է:

Քաղաքում ինձ կարելի է տեսնել ամենուր. հստակ որեւէ վայր չեմ կարող նշել:

Չեմ սիրում նույնություն եւ միապաղաղություն:

Աստղային հիվանդություն ասվածն ինձ համար ուղղակի ծիծաղելի է: Այդ հիվանդությամբ տառապում են նրանք, ովքեր ինքնահաստատման խնդիր ունեն: Ես հաստատ նման խնդիր չունեմ:
Երկրպագուներ, իհարկե, կան, բայց դեռեւս խենթ արարքներ ու նվերներ չեն եղել:

Համոզված եմ, որ ինձ չսիրողներ եւս ունեմ, բայց դա նորմալ է եւ բնական:

Անձնական կյանքս ինձ համար խիստ անձնական է:

Տեքստը` Հասմիկ Միկիչյանի/Bravo.am/
Լուսանկարները` Լիկա Սալմանյանի անձնական արխիվից եւ Վիտալի Սարգսյանի

bravo.am