Փենջաբ նահանգի ոստիկանությունը սկզբում չէր ցանկանում քննություն անցկացնել այս փաստի առնչությամբ, եւ այդ ժամանակ միջամտել է դատարանը:
13-ամյա աղջնակի հայրը՝ Սիդիկ Մուգալը, պատմել է, որ աղջկա վրա հարձակվել են դպրոցի ճանապարհին, որտեղ աղջիկը Ղուրան էր ուսումնասիրում: Դա տեղի էր ունեցել Թոբա-Թեք-Սինգհ թաղամասում՝ Լահորի հարեւանությամբ, գրում է NEWSru.com –ը՝ վկայակոչելով արեւմտյան լրատվամիջոցները:
Երկու տղամարդ աղջկան բռնի տարել էին անմարդաբնակ մի վայր եւ բռնաբարել նրան: Բռնաբարության ընթացքում աղջիկը կորցրել էր գիտակցությունը: Հանցագործները որոշել էին, որ նա մահացել է, եւ մարմինը թաղել էին ճամփեզրին: Սակայն որոշ ժամանակ անց աղջիկն ուշքի էր եկել եւ ուժ գտել գերեզմանից դուրս գալու:
Աղջկա օգնության ճիչերը լսել է մի անցորդ, որն էլ տեղափոխել է նրան հիվանդանոց:
Քանի որ ոստիկանությունը չի ցանկացել փնտրել բռնաբարողներին, իրավիճակին միջամտել է Լահորի դատարանի բողոքարկման ծառայության ղեկավարը: Արդյունքում վճռվել է կալանավորել կասկածյալներին:
news.am
