Հարցին պատասխանում է բժիշկ-սեքսոպաթոլոգ, դոցենտ, ԵՊԲՀ սեքսոպաթոլոգիայի ամբիոնի վարիչ, սեքսոպաթոլոգիայի համալսարանական կլինիկայի ղեկավար Սևադա Հակոբյանը.
Սպերմատոգենեզը՝ (սերմնաբջիջների առաջացման և ձևավորման պրոցեսը) իրենից ներկայացնում է բջիջների արագ կիսման և բազմացման գործընթաց, այն խիստ զգայուն է արտաքին վնասակար գործոնների նկատմամբ: Ալկոհոլը և թմրանյութերը ինչպես ուղղակիորեն, այնպես էլ այլ օրգանների ֆունկցիան վնասելով, առաջ են բերում սերմնաբջիջների շարժունակության արգելակում, շատացնում դեֆեկտավոր բջիջների տոկոսային պարունակությունը:
Ծխախոտի ծուխը պարունակում է բազմաթիվ վնասակար նյութեր, հատկապես վերարտադրողական համակարգի համար վնասակար է համարվում ակրոլեինը: Ծխելը ազդում է սերմնաբջիջների ԴՆԹ-ի վրա և կարող է պատճառ հանդիսանալ պտղի մոտ զարգացման անոմալիաների:
Սպերմատոգենեզի ամբողջ գործընթացը տևում է մոտ 65-70 օր, ուստի հղիություն պլանավորելուց արդեն 3 ամիս առաջ խորհուրդ է տրվում հրաժարվել բոլոր վնասակար սովորույթներից:
http://blognews.am/arm/news/112472/harc-seqsopatologin-qani-or-araj-petq-e-txamardy-alkohol–chogtagortsi-ete-cankanum-enq-hxiutyun-planavorel.html
