Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն վթարի վայր են ժամանել 1-03 շտապօգնության բրիգադը և Երևանի ճանապարհային ոստիկանության աշխատակիցները՝ Երևանի ՃՈ պետ Արսեն Արշակյանի գլխավորությամբ: Պարզվել է, որ Վազ 21 72 30 մակնիշի 33 ԼD 366 համարնիշի ավտոմեքենայի վարորդը դուրս է եկել ճանապարհի երթևեկելի գոտուց, հարվածել էլեկտրասյանը, տապալել այն, ինչից հետո ավտոմեքենան գլխիվայր շրջվել է: Վիրավորներին ավտոմեքենայից դուրս են բերել քաղաքացիները՝ ՃՈ աշխատակիցների հետ, որոնց էլ շտապօգնության բրիգադը օպերատիվորեն տեղափոխել է Սուրբ Գրիգոր Լուսավորիչ բժշկական կենտրոն: Վթարի վայր են ժամանել նաև ՀՀ Արտակարգ իրավիճակների նախարարության փրկարար ծառայության Երևանի հրշեջ փրկարարական ջոկատը, որոնց աշխատանքի արդյունքում հոսանքազրկվեց և մեքենայից դադարեցվեց դիզվառելիքի արտահոսքը: Վթարի վայրում քննչական աշխատանքները ղեկավարում է ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ Արկադյա Գևորգյանը, ում կողմից փաստի առթիվ նյութեր են նախապատրաստվում: Օպերատիվորեն ժամանել էին նաև Քաղլույսի աշխատակիցները, ովքեր տարածքը ժամանակավորապես հոսանքազրկեցին, որպեսզի կարողանան անվտանգ տեղափոխել տապալված սյունը: Ֆոտոլրագրողի տեղեկություններով նշված ավտոմեքենան հաշվառված է Երևան քաղաքի Իսրայելյան 43 շենքի բնակիչ Զորայր Խլղաթյանի անվամբ: Լուսանկարները՝ Գագիկ Շամշյանի shamshyan.com

1

1

2

2