Ինչպես վթարի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի տեղում մահացել են; Դեպքի վայր են ժամանել ԱԻՆ փրկարար ծառայության Գյումրիի հրշեջ-փրկարարական ջոկատը և ոստիկանության Գյումրիի բաժնի օպերատիվ քննչական խումբը: Տեղում են նաև ՃՈ 2-րդ սպայական գումարտակի 2-րդ վաշտի աշխատակիցները՝ վաշտի հրամանատար Արմեն Կարապետյանի գլխավորությամբ: Դեպքի վայր է ժամանել նաև ՃՈ 2-րդ սպայական գումարտակի հրամանատար Սուրեն Խուդոյանը, ով վթարի մասին հեռախոսով անընդհատ տեղեկություններ է հաղորդում ՀՀ ՃՈ պետ, ոստիկանության գնդապետ Արսեն Գալստյանին: Փաստի առթիվ ոստիկանության քննչական գլխավոր վարչության Շիրակի մարզի քննչական բաժնում հարուցվել է քրեական գործ՝ ՀՀ քր.օր-ի 242 հոդվածի 3-րդ մասի (ճանապարհատրանսպորտային պատահարը, որն անզգուշաբար առաջացրել է 2 և ավելի մարդու մահ) hատկանիշներով: Ֆոտոլրագրողի տեղեկություններով՝ Mercedes-ը հաշվառված է Կապանի բնակիչ, 31-ամյա Արամայիս Սպարտակի Հայրապետյանի անվամբ, իսկ 06-ը՝ Արարատի մարզի բնակիչ Արտակ Անուշավանի Այվազյանի անվամբ: Դեպքի վայրում հավաքվածները ֆոտոլրագրողին ասում են, որ Mercedes-ի վարորդը դիստոկետի տնօրեն էր և բնակվում էր «Թուրքի մայլում»: Ոստիկանությունը պարզում է վարորդների և մահացածների ինքնությունը: *** 11:00 Քիչ առաջ ֆոտոլրագրողը հայտնեց, ոստիկանությունը պարզել է, որ Mercedes-ը վարել է Գյումրի քաղաքի Աղյուսի փողոցի բնակիչ 24-ամյա Հովհաննես Ալեքսանյանը, իսկ ВАЗ 2106-ը Արարատի մարզի Արարատ քաղաքի բնակիչ 54-ամյա Անդրանիկ Այվազյանը, վերջինս և նրա 2 ուղևորները տեղում մահացել են: Իսկ Mercedes-ի վարորդ Հ. Ալեքսանյանը տեղափոխվել է հիվանդանոց: Բժշկական փորձաքննությամբ պարզվել է, որ նա եղել է ոչ սթափ:

shamshyan.com