«Հրապարակ» թերթը գրում է. «Կիրակի օրը Սբ. Գայանե եկեղեցու մոտ կայանած Volkswagen մակնիշի մեքենան պայթել ու այրվել է ամբողջովին: Ժամանած հրշեջները փորձել են արագ մարել, քանզի հարսանիքների մեծ հերթ էր առաջացել բակում։ Հրդեհի մարումից քիչ անց ժամանել են Աբրահամյանների շթեղ ավտոմեքենաները՝ հարս ու փեսայով: Արա Աբրահամյանի քրոջ որդու հարսանիքն էր:
Մեր տեղեկություններով, Աբրահամյանը Հայաստանում պետք է մնար 1 օր եւ հարսանիքից անմիջապես հետո մեկներ, սակայն հայաստանյան քաղաքական դաշտ մտնելու նրա ամբիցիաները Բաղրամյան 26-ի սրտով չեն, ուստի երեկ «ալամ աշխարհի հայը» Սերժ Սարգսյանին է հանդիպել: Որոշ տեղեկություններով՝ Սարգսյանը նրան հորդորել է՝ մի արա: Հայտնի չէ, թե նա ինչ է պատասխանել: Ինչպես մեզ փոխանցեց մեր ռուսաստանյան զրուցակիցը, «Մեզ մոտ՝ Ռուսաստանում, ինչքան հայ կա, բոլորն իրենց Հայաստանում վարչապետ կամ նախագահ են պատկերացնում, եթե իրենց էլ չեն պատկերացնում, իրենց բարեկամներին են պատկերացնում»:
Առավել մանրամասն՝ թերթի այսօրվա համարում
