Թուրքիայի գլխավոր ընդդիմադիր «Ժողովրդա-հանրապետական» կուսակցության (CHP) առաջնորդ Քեմալ Քըլըչդարօղլուն կուսակցության համագումարում խիստ քննադատության է ենթարկել Թուրքիայի նախագահ Ռեջեփ Թայիփ Էրդողանին։
Քեմալ Քըլըչդարօղլուն Էրդողանին եւ «Արդարություն եւ զարգացում» կուսակցությանն է մեղադրել երկրում տիրող պատերազմական ու տնտեսական վիճակի համար։ Քըլըչդարօղլուն խիստ քննադատել է Էրդողանին՝ խաղաղության կոչ անող գիտանակների դեմ հետաքննություն անցկացնելու հրահանգ տալու համար։
«Հիմա ես ուզում եմ Էրդողանին հիշեցնեմ։ Թափթփուկ բռնապետ, դու ինչ գիտես, թե նամուսն ու պատիվն ինչ է։ Կամ անկողմնակալություն պահի, կամ էլ քեզ ամեն օր հիշեցնելու եմ նամուսի ու պատվի մասին։ Կամ էլ թե դու ի՞նչ գիտես, թե նամուսն ու պատիվն ի՞նչ»,-ասել է Քըլըչդարօղլուն։
Քեմալ Քըլըչդարօղլուի այս խոսքերից հետո դահլիճում գտնվող «Արդարություն եւ զարգացում» կուսակցության պատվիրակությունը լքել է դահլիճը։
