Ցանկանում եմ մեր հանդիպման 6-ամսյակը նշել, բայց չգիտեմ` ինչպես նա կարձագանքի:

Վեց ամիսը տոնելու առիթ չէ: Դրական հաղորդագրություն ուղարկիր, և նա կմտածի՝ ինչ անուշիկն է իմ ընկերուհին, այլ ոչ թե՝ հոգեկան շեղում ունեցող մեկը, ով չափազանցնում է դեպքերի կարևորությունը:

Նորմա՞լ է, արդյոք, ստուգել նրա հեռախոսը կամ էլեկտրոնային հասցեն:

Երբ նա լոգարանում է, և դու պատահմամբ տեսնում ես, որ նրա հեռախոսին հաղորդագրություն եկավ, նորմալ է: Եթե պարբերաբար ստուգում ես նրա հեռախոսը, նորմալ չէ:

Ընկերուհուս ընկերը խոստացել է նրան մատանի նվիրել: Ի՞նչ է սա նշանակում:

Նա պատրաստ չէ ամուսնության, իսկ նման ոչ պարտադրող քայլը պարզապես հնարք է` աղջկան կողքին պահելու համար:
Ընկերս գիրանում է, և դա ինձ դուր չի գալիս: Կարո՞ղ եմ ասել նրան այդ մասին:

Այո՛… միայն թե`զգուշորեն. «Միասին մարզասրահ գնալը հիանալի կլինի, ի՞նչ ես կարծում», այլ ոչ թե. «Դու գիրանում ես»:
Որքա՞ն պետք է սպասեմ՝ նախքան նրան ծնողներիս հետ ծանոթացնելը:

Ընկերներիդ հետ ծանոթացնելուց հետո և նրա տանը քո անկյունն ունենալուց առաջ:

Ընկերոջս հետ հանդիպում եմ արդեն հինգ տարի, սակայն նա դեռևս գլխավոր հարցին չի անդրադարձել: Կա՞ որևէ տարբերակ, որով կարող եմ արագացնել դեպքերի ընթացքը:

Մի՛ սպասիր այլևս։ Ասա, որ ցանկանում ես ամուսնանալ: Եթե նա լուրջ մտադրություններ ունի, անմիջապես գործի կանցնի:

Ընկերոջս մտերիմ ընկերներից մեկն ընդգծված կոպիտ է ինձ վերաբերվում: Ի՞նչ անեմ:

Հարց տուր ինքդ քեզ՝ ինչու ես հանդիպում մի տղայի հետ, ով թույլ է տալիս, որ իր ընկերն այդքան վատ վերաբերվի քեզ:
Հանդիպել եմ մի տղայի, ով արդեն ընկերուհի ունի: Ի՞նչ կլինի, եթե սկսեմ սեթևեթել նրա հետ:
Եթե նրա նկատմամբ ինչ-որ բան ես զգում, շատ վատ է քեզ համար, և եթե նա դավաճանում է ընկերուհուն՝ քեզ հետ ժամանակ անցկացնելով, նույնպես շատ վատ է:

Եթե տղամարդը սեքսից հետո չի ցանկանում գրկախառնվել, արդյո՞ք սա նշանակում է, որ չի սիրում քեզ:

Ո՛չ, սա նշանակում է, որ նա հենց նոր օրգազմ ապրած տղամարդ է, ով քնելու ցանկություն ունի:

Ես և ընկերս ապրում ենք տարբեր երկրներում: Փորձում ենք ամեն ամիս զվարճալի նվերներ ուղարկել իրար: Այլ գաղափարներ կա՞ն:

Պարզիր՝ որտեղ է նա սիրում ժամանակ անցկացնել և խմիչք հյուրասիրիր նրան և ընկերներին: Դա նրանց դուր կգա:

Ես վերջերս եմ նշանվել, և հանկարծ սկսել եմ նկատել նշանածիս բոլոր կամակորությունները: Սա նորմա՞լ երևույթ է:

Միանշանակ: Դու հիմա ես նկատում, որ ստիպված ես լինելու լսել Russell Brand-ից ստացած նրա «քնքուշ» տպավորությունների մասին մշտապես: Այնքան էլ մեծ առիթ չէ բաժանման համար, այնպես չէ՞:

Արդյո՞ք պետք է վատ զգամ այն հանգամանքից, որ իմ օրգազմների «թիվն» ավելի բարձր է, քան նրանը:

Իհարկե ո՛չ:

Ընկերս երբեք չի խանդում: Անհանգստանալու առիթ ունե՞մ:

Բոլորովին ո՛չ: Խանդը անվստահության, այլ ոչ թե սիրո դրսևորում է: Եվ դա ամենևին էլ սեքսուալ չէ:

Նորմա՞լ է, արդյոք, չոր (ոչ զգացմունքային) սեքս ունենալ հարաբերությունների որոշակի փուլում:

Այո՛, հատկապես առաջին վեց ամսից հետո, երբ մեղրամսի փուլն անցնում է:

Ընկերս իր աշխատակցուհու մասին շատ է խոսում: Սիրահարվա՞ծ է նրան:

Հավանաբար ո՛չ: Առաջարկիր երեքով որևէ տեղ գնալ: Եթե որևէ բան չկա, նա չի առարկի:

Ընկերոջս առնանդամին հերպես է գոյացել, նա երդվում է՝ որ երբեք չի դավաճանել ինձ: Ստում է, այնպես չէ՞:

Հնարավոր է` ունեցել է այն նախքան քեզ հանդիպելը, սակայն ի հայտ չի եկել մինչև այդ պահը: Սակայն ստուգվելը չի խանգարի:

Մեր երկրորդ հանդիպմանն ասաց, որ սիրում է ինձ: Հնարավո՞ր է նման բան:

Ո՛չ, նա պարզապես ուզում է կիսավարտիքիցդ ներս սողոսկել:

Ի՞նչ է իրականում նշանակում «3-րդ հանդիպման հապաղում»-ը:

Խուսափում է զանգահարել քեզ, որովհետև վախենում է, որ երրորդ հանդիպումից հետո իրեն կսկսես քո բոյֆրենդը համարել:

cosmo.am