Քիչ առաջ ահազանգ է ստացվել ոստիկանության Երևան քաղաքի վարչության օպերատիվ կառավարման կենտրոն, որ Շենգավիթ վարչական շրջանում՝ Արտաշիսյան 39 շենքի բակում գտնվող ավտոտնակներից մեկում, կասկածելի հանգամանքներում մահացած անձ կա: Ինչպես նշված վայրից հայտնում է ֆոտոլրագրող Գագիկ Շամշյանը, այս պահին նշված վայր են ժամանել ոստիկանության Երևան քաղաքի վարչության պետ, ոստիկանության գնդապետ Աշոտ Կարապետյանը, ոստիկանության Շենգավիթ բաժնի օպերատիվ խումբը՝ Շենգավիթի ոստիկանապետ Արամ Հովհաննիսյանի գլխավորությամբ: Օպերատիվորեն ժանանել են ոստիկանության Երևան քաղաքի վարչության քրեական հետախուզության բաժնի մեծ թվոով աշխատակիցներ՝ բաժնի պետ Գարիկ Ղուկասյանի գլխավորությամբ: Այս պահին ոստիկանության փորձաքրեագիտական վարչության աշխատակիցները՝ վարչության պետ Լորիկ Սաֆարյանի գլխավորությամբ նշված ավտոտնակում դեպքի վայրի զննություն են կատարում, քանի որ ավտոտնակի մեջ գտնվող փոսում հայտնաբերվել է տղամարդու դի: Տեղում են նաև Հայաստանի քննչական կոմիտեի Երևանի քննչական վարչության Շենգավիթի քննչական բաժնի քննիչները՝ բաժնի պետ Սամվել Մկրտչյանի գլխավորությամբ: Հաշվի առնելով դեպքի հանցագործության վտանգավորության աստիճանը,, տեղում են նաև Շենգավիթ վարչական շրջանի դատախազության մեծ թվով աշխատակիցներ ՝ համայնքի դատախազ՝ Արմեն Չիչոյանի գլխավորությամբ: Ֆոտոլրագրողը հայտնում է նաև, որ մահացածը հանդիսանում էր նույն շենքի բնակիչ, 52-ամյա Գերման Ոսկանյանը, ում հարազատները օրեր առաջ ոստիկանության Շենգավիթի բաժնում հայտարարություն են տվել, որ նա հունվարի 25-ին տաից դուրս է եկել և չի վերադարձել: *** 18:00 Քիչ առաջ ֆոտոլրագրողը հայտնեց, որ հորի մեջ հայտնաբերվել է դին՝ թաղված վիճակում, իսկ ավտոտնակի մեջ՝ արյունոտ դանակներ, խոհանոցային մեծ դանակ, որի վրա նույնպես առկա են արյան հետքեր: Արդեն փաստի առթիվ Շենգավիթի քննչական բաժնում հարուցվեց քրեական գործ՝ ՀՀ քր. օր.-ի 104 հոդվածի 1-ին մասի հատկանիշներով:

shamshyan.com