Ինչպես վթարի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդ Ն. Մարկոսյանն ու նրա ուղևորներ՝ Երևանի բնակիչներ, 27-ամյա Ինգա Մուկուչյանը, 26-ամյա Հայկ Գասպարյանը և 24-ամյա Իրինա Հարությունյանը քաղաքացիների և ճանապարհային ոստիկանների օգնությամբ դուրս են բերվել ավտոմեքենայից և տեղափոխվել Թալինի բժշկական կենտրոն: Ֆոտոլրագրողը հայտնում է, որ հիվանդանոցի ճանապարհին Ի . Հարությունյանը մահանում է: Դեպքի վայր են ժամանել ՃՈ 2-րդ սպայական գումարտակի 2-րդ վաշտի 1-ին դասակի աշխատակիցները՝ վաշտի հրամանատարի տեղակալ Սուքիաս Գրիգորյանի և դասակի հրամանատար Արսեն Պողոսյանի գլխավորությամբ: Տեղում էր նաև ոստիկանության Թալինի բաժնի օպերատիվ քննական խումբը՝ ոստիկանության քննչական գլխավոր վարչության Արագածոտնի մարզի քննչական բաժնի քննիչ Վահագ Մխիթարյանի գլխավորութամբ: Վթարի վայրում հավաքվածներն արդարացիորեն բարձրաձայնում էին, որ վթարի պատճառը եղել է հունվար ամսին նշված ճանապարհին առաջացած մարդաբոյ փոսերը: Պատկան մարմինների կողմից ոչ մի աշխատանք չի կատարվել թերությունը վերացնելու ուղղությամբ և գրեթե տևական ժամանակ է՝ այդ փոսերի պատճառով ավտովթարներ են տեղի ունենում: Վարորդները փորձում են շրջանցել այն և տեղի է ունենում վթար: Ֆոտոլրագրողի տեղեկություններով՝ վարորդն աշխատում է «Մարկետ» ՍՊԸ-ում՝ որպես ծրագրավորող, իսկ մահացածն ու վիրավոր ուղևորները՝ «ԱՅԳ» հոգեբանական ծառայությունում:

shamshyan.com