ԱԺ պատգամավոր, գործարար Սամվել Ալեքսանյանը չի ցանկանում ասել, թե ինչով է աջակցել Հայոց ցեղասպանության 100-րդ տարելիցին նվիրված միջոցառումների կազմակերպման և անցկացման աշխատանքներին:
«Հարցրեք, կասեն: Ես էսքան վախտ իմ արածից ի՞նչն եմ ասել»,- այսօր՝ սեպտեմբերի 27-ին, NEWS.am-ին ասաց պատգամավորը:
Հիշեցնենք, որ պատգամավորը ՀՀ նախագահ Սերժ Սարգսյանի կողմից պարգեւատրվել է «Հայրենիքին մատուցած ծառայությունների համար» 2-րդ աստիճանի շքանշանով՝ Հայոց ցեղասպանության 100-րդ տարելիցին նվիրված միջոցառումների կազմակերպման և անցկացման աշխատանքներին ցուցաբերած գործուն աջակցության համար։
