Կնոջ սեքսուալությունը վաղուց արդեն ամոթի զգացում առաջացնող թեմա չէ, սակայն անցյալից եկող մի շարք կարծրատիպեր շարունակում են ապրել մեր գիտակցականում: Ընդ որում՝ կանանց սեռական ոլորտի բազմաթիվ խնդիրներ ծագում են սեքսուալության վերաբերյալ խեղաթյուրված հայացքներից: Ահա մի քանի կարծրատիպ, որոնք հերքվել են վերջին տարիներին:
Կանայք իրենց բնույթով մոնոգամ են Այլ կերպ ասած՝ կինը, ի տարբերություն տղամարդու, իբրև թե խորքային մակարդակում նախատրամադրված է միայն մեկ զուգընկերոջ հանդեպ սեռական հակվածություն զգալուն: Հաճախ այս տեսակետը մատուցվում է որպես ֆիզիոլոգիայի տեսանկյունից բնական և բանական մի բան: Քանի որ կնոջ կենսաբանական նպատակը առողջ սերունդ ունենալն է, ապա նա պետք է ընտրի իր զուգընկերոջը և հավատարիմ լինի իր կյանքի ուղեկցին: Բայց ամեն բան չէ, որ այդքան պարզ է: Կնոջ՝ սիրով զբաղվելու ցանկությունը տարիների ընթացքում նվազում է: Այդ մասին իր «Ի՞նչ են ուզում կանայք. Ճանապարհորդություն կնոջ սեռական ցանկության գիտության միջով» գրքում («What Do Women Want? Adventures in the Science of Female Desire») գրում է լրագրող Դանիել Բերգները՝ հղում կատարելով Համբուրգ-Էպենդորֆի (Գերմանիա) ԲԿ-ի հետազոտությանը: Իսկ Գվելֆի համալսարանի (Կանադա) հոգեբանները վերջերս հաստատել են, որ կանանց՝ մշտական զուգընկերոջ նկատմամբ սեռական հակումն անգամ ավելի շուտ է սկսում նվազել, քան տղամարդկանցը: Հեղինակները կարծում են, որ դա կարող է պայմանավորված լինել հորմոնային փոփոխություններով, նաև այն բանով, թե կինն ինչպես է իրեն զգում զուգընկերոջ հետ հարաբերություններում՝ մտերի՞մ է նրա հետ, արդյոք իրեն կանացի և ցանկալի է զգում: Կնոջ սեռական ցանկությունը տարիքին զուգընթաց նվազում է Միգուցե բանն այն է, որ կանայք, իրենց ֆիզիոլոգիական առանձնահատկություններով պայմանավորված, տարիների ընթացքում գրեթե կորցնում են սեռական հարաբերության նկատմամբ հետաքրքրությունը: Այս պատկերացումն էլ, սակայն, լուրջ հիմք չունի: Տեխասի անցկացրած հետազոտության արդյունքների համաձայն` 30 և 40 տարեկան կանայք իրականում ավելի ակտիվ են սեքսուալ առումով, քան անգամ 20 տարեկանում: Ավելին, քառասնամյա կանայք ավելի ուժգին օրգազմ են ապրում և բազմակի օրգազմ ապրելու ավելի շատ հնարավորություններ են ունենում: «Սեռական ցանկության նվազումը սովորաբար պայմանավորված է լինում ոչ թե տարիքով, այլ հոգեբանական խնդիրներով: Հասուն տարիքում հրաժարվելով սեքսից՝ կանայք անգամ չեն էլ պատկերացնում, թե իրենց զգայունակության ինչ ներուժ է չբացահայտված մնում»,- ասում է հոգեբան Սյուզան Կվիլիամը՝ «Սեքսի նոր բերկրանքը» («The New Joy of Sex») գրքի հեղինակը: Կանայք ավելի քիչ են մտածում սեքսի մասին, քան տղամարդիկ Համացանցում էրոտիկա դիտող օգտատերերից յուրաքանչյուր երրորդը իգական սեռի է (ըստ վարկանշային Nielsen/Net գործակալության հարցման տվյալների, 2012 թվական): Էրոտիկ գրականության ներբեռնման քանակով նրանք նույնիսկ գերազանցում են տղամարդկանց: «Բանն այն չէ, որ սեքսի նկատմամբ կանանց հետաքրքրությունն ավելի քիչ է արտահայտված: Պարզապես իգական սեռական ցանկությունն զգայուն է ավելի շատ խթանիչների նկատմամբ՝ բառերի, կերպարների, ձայների և այլն: Բացի այդ, կանանց սեռական գրգռման բնույթն ինքնին ավելի բարդ է: Դեր են խաղում մի շարք գործոններ, առաջին հերթին՝ հուզական վիճակը»,- մեկնաբանում է հոգեբան Մերեդիտ Չիվերսը՝ Թագաորական համալսարանի պրոֆեսոր (Մեծ Բրիտանիա): Օհայոյի համալսարանի կատարած հետազոտության համաձայն սեռական ակտիվության առումով կանանց և տղամարդկանց տարբերությունները (ինչը որ արձանագրել էին նախկինում անցկացված հարցումները) կարող են հարցման մասնակից կանանց համեստության արդյունքը լինել: «Կանայք շատ զգայուն են իրենց սեռական վարքի վերաբերյալ հասարակության ակնկալիքների նկատմամբ: Այդ պատճառով էլ հնարավոր է, որ նրանք անկեղծ չեն լինում հարցերին պատասխանելիս»,-բացատրում է հետազոտության համահեղինակ Տերի Ֆիշերը: Գրգռվելու համար կանանց ավելի շատ ժամանակ է հարկավոր Սեռական գրգռվածության հասնելու համար կանանցից նույնքան ժամանակ է պահանջվում, որքան և տղամարդկանցից: Այսպիսի եզրակացության են հանգել Մակհիլի համալսարանի հոգեբանները (Կանադա): Այս դեպքում գլխավոր հարցը ոչ է որքան-ն է, այլ ինչպես-ը: Հետազոտության հեղինակների կարծիքով՝ կանանց ցածր գրգռվողականության պատճառն այն է, որ ոչ միշտ է սեքսն անցնում հոգեբանորեն հարմարավետ մթնոլորտում: «Հաճախ առաջնահերթությունը տրվում է տղամարդու օրգազմին և սեքսի այն տարատեսակներին, որոնք նպաստում են օրգազմին: Կինը, զուգընկերոջ հաճույքը վեր դասելով իր սեփական հաճույքից, հաճախ նույնիսկ հրաժարվում է այն մտքից, որ ինքն էլ պետք է օրգազմ ապրի: Սովորելով կեղծել այն՝ հնարավոր է կորցնել սեփական զգացողությունների հետ կապը, ինչը հետագայում կարող է հանգեցնել սեռական դիսֆունկցիաների»,- մեկնաբանում է գենդերային սոցիոլոգ Լիզա Վեյդը: Սեքսն ստիպում է կանանց սիրահարվել, նրանց զգացմունքները ենթակա են հորմոնների ազդեցությանը Այս առասպելի փոփոխված տարբերակներից մեկն էլ հնչում է այսպես. «Տղամարդու զգացմունքները կապ չունեն սեռական ոլորտի հետ, այդ պատճառով նա կարող է սեքսով զբաղվել միայն հանուն հաճույքի, իսկ կնոջ դեպքում օրգազմի ժամանակ հորմոնների ուժգին արտազատում է կատարվում, ինչը փոխում է նրա հուզական ֆոնը»: Ռատգերսկի համալսարանի (ԱՄՆ) հոգեբան, պրոֆեսոր Բարի Կոմիսարուկը բացատրում է, որ իրականում «սիրո հորմոն»՝ օքսիտոցին է արտազատում ինչպես կանանց, այնպես էլ տղամարդկան օրգանիզմում: Չկա որևէ ապացույց, որը կվկայի, որ օքսիտոցինն առանձնահատուկ կերպով է ազդում կնոջ վրա: Ապացուցված չէ նաև այն, որ այս հորմոնն ինքնին սիրահարվածության զգացում է առաջացնում,- հայտնում է Sotskiy.am-ը:
