Փրկարար ծառայությունը հոկտեմբերի 10-ին, ժամը 21.16-ին ահազանգ է ստացել, որ Երեւանի Կասկադ համալիրում՝ Թամանյանի արձանի մոտակայքում, բնակարան է այրվում:
Դեպքի վայր է մեկնել մեկ մարտական հաշվարկ, ՃԿԱԿ ԱԻ արձագանքման եւ օպերտիվ խմբերը:
Պարզվել է, որ Թամանյան փողոցի թիվ 2 հասցեում՝ «Պեկին» չինական ռեստորանի խոհանոցում (14 քմ), գազի բալոնից (20 կգ-անոց) տեղի է ունեցել արտահոսք՝ կուտակումով, ինչի հետեւանքով տեղի է ունեցել պայթյուն՝ հրդեհի բռնկումով:
Հրդեհը մեկուսացվել է ժամը 21.27-ին, մարվել՝ 21.31-ին: Այրվել է խոհանոցի առաստաղից մոտ 4 քմ հատված, ջրատաքացուցիչի լարերը (2 գմ), ջերմահարվել՝ ջրատաքացուցիչը եւ գազի կաթսան:
Վնասվել են խոհանոցի ցուցափեղկերը եւ սառնարանի ապակին:
Ռեստորանի աշխատակիցը` 1958 թ. ծնված Ս. Հ.-ը, հոսպիտալացրել է Հերացու անվան թիվ 1 համալսարանական կլինիկա, որտեղ ստանալով համապատասխան բուժօգնություն` դուրս է գրվել:
news.am
