SHAMSHYAN.com-ի տեղեկություններով՝ Սյունիքի մարզպետ Սուրեն Խաչատրյանը` Լիսկան, այսօր զանգահարել է Գորիսի ԵՊՀ-ի ղեկավարությանը եւ հայտնել, որ համալսարանի խորհրդի նախագահ, Սյունիքի նախկին մարզպետ Վահե Հակոբյանը այլեւս խորհրդի նախագահ չէ, այլ խորհրդի նախագահը ինքն է եւ վաղը նիստ է հրավիրում:
Այս տեղեկությունը SHAMSHYAN.com-ի թղթակցի հետ զրույցում հաստատեց նաեւ Գորիսի ԵՊՀ-ի ռեկտոր, ֆիզմաթ գիտությունների դոկտոր, պրոֆեսոր Յուրի Սաֆարյանը: Նրա հետ մեր զրույցը ներկայացնում ենք ստորեւ:
-Պարոն Սաֆարյան, ճի՞շտ է, որ Սուրիկ Խաչատրյանը զանգահարել եւ նման հայտարարություն է արել:
-Այո, ճիշտ է, բայց նա ինձ չի զանգահարել, այլ՝ մեր համալսարանի պռոռեկտորին: Հայտնել է, որ խորհրդի կազմը փոխվել է եւ վաղը ժամը 11.00-ին նիստ է հրավիրում:
-Բայց նա նման լիազորություններ ունի՞:
-Ոչ, չունի: Ավելին` այդ փոփոխության մասին , որեւէ իրավասու մարմնից, որեւէ գրավոր տեղեկություն չունեմ: Բայց նախարարությանը հարցում անելով եւ ուսումնասիրելով կառավարության որոշումները՝ հասկացա, որ ոչ նման որոշում կա, ոչ էլ նա նման իրավասություն ունի: Հավանաբար, Սուրիկ Խաչատրյանը ցանկանում է Լիսկայական ձեւով փոփոխություն կատարել:
-Լավ , եթե նա նման լիազորություններով օժտված չէ, այս դեպում ինչպե՞ս է կատարվում կազմի փոփոխությունը:
-Դե, գիտեք, ինքը իրեն հռչակել է պատմափիլիսոփա: Եվ, հավանաբար, ցանկանում է ամեն ինչ ինքը որոշի: Իսկ ինչ վերաբերվում է կազմի օրինական փոփոխությանը, ապա կառավարությունը իրավունք ունի կազմի իր վեց անդամին փոփոխել: Եթե կառավարությունը այդ կազմին փոփոխի եւ նախագահը այդ կազմի անդամներից մեկը լինի, ուրմեն՝ պետք է նիստ հրավիրվի եւ նոր նախագահ ընտրվի: Բայց իմ տեղեկություններով՝ կառավարությունը նման փոփոխություններ չի արել: Իսկ, թե Սուրիկ Խաչատրյանը որտեղից է որոշել իր Լիսկայական որոշումը՝ չգիտեմ:
-Իսկ նրան ի՞նչ է տալու համալսարանի խորհրդի նախագահ լինելու առկայությունը: -Նա պարզապես ինձ համարում է իր թիվ մեկ թշնամիներից մեկը: Բայց իմ մեջ նրա նկատմամբ չարություն չկա, քանի որ ես Աստծո պատվիրաններով ապրող մարդ եմ: Նպատակը ինձ ռեկտորությունից հանելն է, բայց չեմ կարծում որ կկարողանա դրան հասնել:
-Իսկ ի՞նչ ունեք կիսելու, որ չեք կարողանում կիսել: Ինչո՞վ եք խանգարում նրան:
-Բացարձակ նրա հետ առնչություն չեմ ունեցել: Տեսեք, այսօր համալսարան էլ զանգ է տվել, բայց ինձ հետ չի խոսել:Դա նրա ձեւն է, նրա ձեռագիրը: Ինքը թքած ունի օրենքի, սահմանդրության, մարդու իրավուքնների վրա: Իսկ ինչ վերբերում է, թե ինչով եմ խանգարում նրան, դա իրենից հարցրեք: Իմ մասով՝ ես նրա դեմ ոչինչ չունեմ: Բայց ակնհայտ է, որ ինձ չի սիրում: Նա նորմալ կրթություն ստացած մարդկանց չի սիրում: Ալերգիա ունի նորմալ ընտանիքներում մեծացած մարդկանցից: Ինքը կարող է զանգի եւ ասի, որ էսինչ դպրոցի ուսուցչին լսարան չթողնի: Հա, մի բան էլ: Բուդաղյանների դեպքից հետո, ես շատ վատ եմ զգացել ու երեւի, որ լրագրողներին չեմ ասել՝ ճիշտ են արել, որ կրակել են, դրանից է նեղվել: Ինքը այդ մարդն է: Ասում է՝ մարդ կա ելել է շալակն աշխարհի մարդ կա՝ աշխարհն է շալակած տանում: Այս դեպքում՝ այդ մարդը ելել է Սյունյաց աշխարհի շալակը ու տզրուկի նման ծծում է սյունեցիների արյունը: -Համոզվա՞ծ եք, որ այս ամենը ձեր դեմ է:Գուցե Վահե Հակոբյանի դեմ է: Նրան տեղեկացրե՞լ եք այդ զանգի մասին:
-Դե, Վահե Հակոբյանը վաղուց է կամավոր դուրս եկել: Ես նրանց հարաբերությունների մասին ոչինչ չգիտեմ: Բայց Վահե Հակոբյանին զգուշացրեցի այս մասին: Նա էլ ասաց, որ նման փոփոխության մասին տեղյակ չէ:
-Իսկ ի՞նչ եք պատրաստվում անել: -Դե, ես իմ սահմանադրական պարտականությունները կատարելու եմ: Ավելին` ես ռեկտոր մնալու ձգտում չունեմ, պարզապես արժանապատվության հարց է, որ ինչ-որ մի կիսագրագետ, տգետ, կիսափիլիսոփա պետք է Լոմոնոսովի համալսարանում դոկտորականը պաշտպանածի նկատմամբ գա ոտնձգություններ անի: Այ սա է ամոթը: SHAMSHYAN.com-ը պատրաստ է լսել նաեւ հակառակ կողմի տեսակետը
